Fyrsta flug Antalya Play airplane.jpg

Fyrsta flug Antalya Play crew.jpg

Fyrstu flug til Antalya í Tyrklandi og Faro í Portúgal.

Það var söguleg stund þegar flugfélagið Play fór í sitt fyrsta áætlunarflug til tyrknesku borgarinnar Antalya í morgun, þriðjudaginn 15. apríl. Þetta er í fyrsta sinn sem flogið er í áætlunarflugi á milli Íslands og Tyrklands. Play flýgur einu sinni í viku til Antalya frá apríl fram í júní og svo aftur frá september til nóvember.

Play faro fyrsta flug.jpg

Þá fór Play í fyrsta flug til Faro í Portúgal laugardaginn 12. apríl síðastliðinn. Flogið verður tvisvar í viku til Faro fram í lok október. „Það er alltaf spennandi þegar flugfélögin okkar á KEF bæta við nýjum áfangastöðum,“ segir Grétar Már Garðarsson, forstöðumaður flugfélaga og markaðsmála á Keflavíkurflugvelli.

Grétar Már Garðarsson

Við tökum vel á móti farþegum frá þessum tveimur nýju áfangastöðum og erum fullviss að Íslendingar eiga eftir að halda þangað einnig. Þetta eru nýjar tengingar en eins og ACI Europe – Evrópudeild Alþjóðasamtaka flugvalla – hafa bent á í rannsóknum þá bæta flugtengingar við hagvöxt. Við fögnum hverri nýrri flugtengingu sem bætist við á Keflavíkurflugvelli.

Play flýgur til tveggja nýrra áfangastaða

Vigdis kef afmaeli 4.jpg

Vigdis kef afmaeli 3.jpg

Vigdís Finnbogadóttir er 95 ára í dag, þriðjudaginn 15. apríl 2025. Í tilefni þess býður Keflavíkurflugvöllur gestum upp á einstaka sýningu í brottfarasalnum.

Sýningin ber heitið „Hjartans mál“ en á glervegg í salnum hafa verið settar upp myndir af Vigdísi frá ýmsum tímabilum í lífi hennar. Umhverfis myndirnar raðast orð á mörgum tungumálum sem öll lýsa Vigdísi.Vigdís Finnbogadóttir hefur ætíð verið málsvari kvenréttinda, menningar, náttúru og tungumála hérlendis og á erlendri grundu og hefur unnið að framgangi þessara hjartans mála af elju og staðfestu.

Vigdis kef afmaeli.jpg

Orðin sem valin voru til að lýsa Vigdísi voru til dæmis fyrirmynd, jafnrétti, brautryðjandi, viska og víðsýni. Vigdís hefur við ýmis tilefni sagt að tungumál séu lykill að heiminum. Orðin eru því endurtekin á fjöldamörgum tungumálum sem er vísun til þessa hjartans máls Vigdísar og líka til að endurspegla fjölbreytileika alþjóðasamfélagsins sem leggur leið sína um flugvöllinn.Vigdís Finnbogadóttir skipar sérstakan sess í sögu Keflavíkurflugvallar. Hún var forseti Íslands þegar Flugstöð Leifs Eiríkssonar var opnuð og gaf hún flugstöðinni nafn við vígsluathöfn hennar 14. apríl 1987. Við það tilefni sagði Vigdís: „Hver vegur að heiman er vegurinn heim“ og líkti flugvellinum við hið gullna hlið að Íslandi.Í ár eru 45 ár liðin síðan Vigdís Finnbogadóttir tók við embætti forseta Íslands en hún var fyrsti kjörni kvenforseti heims. Hún gegndi embætti forseta lýðveldisins í sextán ár, frá 1980-1996. Vigdís er velgjörðarsendiherra tungumála hjá Menningarmálastofnun Sameinuðu þjóðanna - UNESCO og gegnir því enn mikilvægu hlutverki á alþjóðavísu. Með því að setja upp þessa sýningu á Keflavíkurflugvelli, á vettvangi þar sem öll heimsins tungumál hljóma, er ævistarf Vigdísar kynnt fyrir gestum hvaðanæva að.„Hjartans mál“ verður til sýningar á Keflavíkurflugvelli fram á sumar.

Sýning til heiðurs Vigdísi Finnbogadóttur á Keflavíkurflugvelli

Lot Polish Airlines flights to Iceland.jpg

LOT Airlines Iceland Warsaw.jpg

Þann 12. apríl 2025 hóf pólska flugfélagið LOT beint áætlunarflug milli Varsjár og Keflavíkurflugvallar. Félagið flýgur fjórum sinnum í viku milli Varsjár og KEF yfir sumartímann og þrisvar í viku á vetraráætlun sinni.

Ísland er þriðji nýi áfangastaðurinn sem LOT bætir við leiðakerfi sitt nú í ár. Áður hóf félagið flug milli Varsjár og Lissabon annars vegar og Kraká og Paris-Orly hins vegar. Það styrkir því KEF enn frekar sem öflugan tengiflugvöll að fá LOT í flugvallarsamfélagið með flug til Varsjá þar sem Warsaw Frederic Chopin-flugvöllur (WAW) er öflugur tengiflugvöllur. Með þessari nýju tengingu opnast fleiri möguleikar fyrir ferðalanga sem vilja sækja á nýjar slóðir. Í tilkynningu á vef LOT er haft eftir Robert Ludera, yfirmanni leiðakerfis LOT,  að Ísland hafi vakið sífellt meiri athygli ferðamanna fyrir einstaka náttúru og áhugaverða sögu. Vaxandi áhugi væri á ferðalögum milli Póllands og Íslands sem styðji einnig við nánari tengsl í viðskiptum, menningu og samgöngum. Nýja flugleiðin væri þó meira en bara einföld tenging. Vart hefði orðið við mikinn áhuga farþega frá Mið- og Austur-Evrópu um að nýta sér tengingar um Varsjá með LOT til Íslands. „Við á Keflavíkurflugvelli hlökkum mikið til þess að eiga gott og kröftugt samstarf við LOT til langrar framtíðar,“ segir Grétar Már Garðarsson, forstöðumaður flugfélaga og markaðsmála á Keflavíkurflugvelli. „Það var afskaplega gaman að taka á móti fyrsta hópi farþega með félaginu og megi ferðir félagsins til og frá KEF verða sem flestar á komandi árum og áratugum.“

LOT Airlines Iceland Warsaw 2.jpg

LOT hefur heilsársflug milli Íslands og Varsjár

KEF bilastaedi full um paska.jpg

Farþegar sem ætla að leggja bíl sínu við flugstöðina á Keflavíkurflugvelli (KEF) um og fram yfir páskana er bent á að flest bílastæði við flugvöllinn eru nú fullbókuð yfir hátíðarnar, enda eru páskarnir ein stærsta ferðhelgi Íslendinga. 

Ekki er hægt að ganga að því vísu að hægt sé að bóka Almenn eða Betri stæði - þ.e. stæði á P1 og P3 - yfir alla páskana. Þá er fullbókað í Premium bílastæðaþjónustuna á KEF. Ekki er hægt að koma á bíl á völlinn núna og fá bílastæði nema að það hafi verið bókað fyrir fram. Takist ferðalöngum ekki að bóka stæði á þeim tíma sem þeir þurfa um páskana eru þeir hvattir til að kynna sér aðra samgöngumáta til og frá KEF. Má þar nefna ferðir með leigubílum, rútum eða strætisvögnum. <a href="https://www.kefairport.is/thjonusta/til-og-fra" target="_blank">Hér má finna upplýsingar um allar samgönguleiðir til og frá KEF. </a><a href="https://www.kefairport.is/thjonusta/kort-af-bilastaedum" target="_blank">Hér má finna kort af bílastæðum við KEF og upplýsingar um samgönguþjónustu við flugstöðina. </a>Farþegar eru hvattir til að mæta snemma í flug þar sem töluverð umferð er um Keflavíkurflugvöll nú um páskana. Farþegar eru einnig hvattir til að nota sjálfsafgreiðslustöðvar til að innrita sig í flug eftir því sem hægt er. Opnað er fyrir innritun í flug kl. 03:45 að morgni og öryggisleit er opnuð kl. 04:00.

Bílastæði fullbókuð á Keflavíkurflugvelli yfir páskana

Bílastæðakerfi KEF er með aðgangsstýringu sem les bílnúmer á bílum þegar ekið er inn á þau og út af þeim. Það á við bæði ef lagt er í einhverja daga eða þegar ekið er inn á stæðin um leið og farþegar eru sóttir eða þeim skutlað í flug. Gjaldfrjálst er á P1 stæðin í 15 mínútur en á P2 í hálftíma. Boðið er upp á fjölbreyttar greiðsluleiðir með bílastæðaforritum.   Hægt er að greiða með <a href="https://autopay.io/" target="_blank">Autopay </a>og einnig með bílastæðaappinu <a href="https://parka.app/" target="_blank">Parka</a>, auk þess sem sjálfsalar eru til staðar inni í flugstöðinni. Ef engin þessara greiðsluleiða er notuð kemur reikningur samkvæmt gjaldskrá í heimabanka bíleiganda. Farþegum er þó bent á að ef sú leið er valinn bætist 1.490 króna þjónustugjald ofan á bílastæðagjaldið og er fólki því bent á að forðast þennan aukakostnað með því að nýta aðrar þær greiðsluleiðir sem eru í boði. Hægt er að greiða á vef <a href="https://autopay.io/" target="_blank">Autopay</a> allt að tveimur sólahringum eftir að bílastæðið er yfirgefið og komast þannig hjá óþarfa kostnaði. Ef ökumaður er ekki fullviss um að gjaldskylda hafi skapast er hægt að slá inn bílnúmer á vef Autopay til að sjá hvort dvalið hafi verið fram yfir gjaldfrjálsan tíma á bílastæði þegar t.d. farþegi var sóttur. Þar kæmi þá fram rukkun og hve lengi var dvalið á bílastæðinu.

Forðast óþarfa aukakostnað  

Við minnum á gjaldtöku í svokallaðri rennu við brottfararinngang flugstöðvarinnar sem hófst í byrjun mars. Rennan er ætluð þeim sem þurfa að aka upp að flugstöðinni og stöðva bíl sinn þar í stutta stund til að hleypa út farþegum og losa farangur. Gjaldfrjálst er að stoppa þar í allt að fimm mínútur, en almenn nýting farþega á rennunni er undir þeim tímamörkum. Þurfi farþegar eða fólk sem er að sækja þá lengri tíma er bent á að hægt er að leggja gjaldfrjálst á P2 bílastæðunum komu megin við flugstöðina í hálftíma.

Fimm mínútur í rennunni  

Ef farþegar okkar og gestir hafa spurningar varðandi bílastæðaþjónustu  KEF bendum við á að hægt er að <a href="https://www.kefairport.is/bilastaedi-hafa-samband" target="_blank">senda erindi til okkar hér. </a>

Erindi til bílastæðaþjónustu KEF  

Bílastæði fullbókuð á yfir páskana

Flights to Iceland from Nashville 1 .jpg

Icelandair - Nashville 5.jpg

Íslensk tónlist flutt út til Nashville þegar Icelandair hóf sig til flugs þangað í fyrsta sinn.

Daníel Jón Baróns og Kristinn Þór Óskarsson úr hljómsveitinni Superserious tóku á móti fyrstu farþegum Icelandair til <a href="https://www.kefairport.is/afangastadir/nashville" target="_self">Nashville í Bandaríkjunum</a> með ljúfum tónum á KEF fimmtudaginn 10. apríl síðastliðinn. Jómfrúarflugi Icelandair til þessa nýja áfangastaðar vestan hafs var einnig fagnað með léttum veitingum sem farþegarnir gátu fengið sér um leið og þeir hlýddu á tóna indie hljómsveitarinnar frá Garðabæ.Nashville er átjándi áfangastaður Icelandair í Norður-Ameríku. Borgin er oft nefnd höfuðstaður kántrítónlistar í heiminum. Nashville er einnig nefnd tónlistarborgin en hún er ekki síður þekkt fyrir gospel, jass, popp og rokktónlist. Því þótti tilvalið að bjóða farþegum upp á íslenska tónlist við fyrsta flug.Superserious hefur verið í mikilli sókn á erlendri grundu undanfarið. Hljómsveitin er einmitt á leið til Nashville í júní, ásamt fulltrúum Tónlistarmiðstöðvar, til að koma fram á tónleikum í borginni.

María Rut Reynisdóttir

Tónlistarmiðstöð fagnar þessu beina flugi til Nashville, tónlistarmekka Bandaríkjanna, og hlakkar til að rækta tengslin við tónlistariðnaðinn í borginni – íslenskri tónlist til framdráttar. Fyrsta skrefið í þeirri vegferð eru tónleikar íslensks tónlistarfólks í Nashville í júní

Flights to Iceland from Nashville 2.jpg

Flights to Iceland from Nashville 3.jpg

Icelandair - Nashville 6.jpg

Icelandair - Nashville 7.jpg

Fyrsta flug til Nashville

KEF-MyndefniFyrirVef-SKJ-FolkVittSkot-1-1920px-280225.jpg

Búist er við mikilli umferð um Keflavíkurflugvöll um komandi páska. Við mælum með að farþegar og gestir bóki bílastæði tímanlega.

Frá og með fimmtudeginum 10. apríl næstkomandi og fram yfir páska er ekki hægt að leggja bílum á Betri og Almennum stæðum - P1 og P3 - við flugvöllinn án þess að þau séu fyrir fram bókuð á vef KEF. Fyrirsjáanlegt er að bílastæðin verði fullnýtt fyrir og yfir hátíðarnar og því er þetta gert til að tryggja að farþegar sem eiga bókuð stæði fái þau. Það er mikilvægt að benda farþegum á að frá fimmtudeginum næsta verður ekki hægt að fá bílastæði á P1 og P3 nema þau séu bókuð. <a href="https://www.kefairport.is/thjonusta/bilastaedi" target="_blank">Bókunarkerfið fyrir bílastæði</a> á vefsíðu Keflavíkurflugvallar tryggir farþegum stæði um páskana. Ferðalöngum sem ekki eru með bókuð bílastæði er bent á aðra samgöngumáta til og frá KEF. Þar má nefna ferðir með <a href="https://www.kefairport.is/thjonusta/til-og-fra" target="_blank">bílaleigubílum, leigubílum, rútum eða strætisvögnum. </a>Hér má finna <a href="https://www.kefairport.is/thjonusta/kort-af-bilastaedum" target="_blank">kort af bílastæðum við KEF</a> og <a href="https://www.kefairport.is/_next/image?url=https%3A%2F%2Feu-images.contentstack.com%2Fv3%2Fassets%2Fbltde8e98ee10782d85%2Fblt2959ce6f3e610d98%2F67f52b7d35114168a42f69a8%2FKEF_samgongukort.jpg&w=3840&q=80" target="_blank">upplýsingar um staðsetningu samgönguþjónustu við flugstöðina neðst í þessum hlekk</a>. Forðast óþarfa aukakostnað  Bílastæðakerfi KEF er með aðgangsstýringu sem les bílnúmer á bílum þegar ekið er inn á þau og út af þeim. Boðið er upp á fjölbreyttar greiðsluleiðir með bílastæðaforritum.  Hægt er að greiða með <a href="https://autopay.io/" target="_blank">Autopay</a> og einnig með bílastæðaappinu <a href="https://parka.app/" target="_blank">Parka</a>, auk þess sem sjálfsalar eru áfram til staðar inni í flugstöðinni. Ef engin þessara greiðsluleiða er notuð kemur reikningur samkvæmt gjaldskrá í heimabanka bíleiganda. Farþegum er þó bent á að ef sú leið er valinn bætist 1.490 króna þjónustugjald ofan á bílastæðagjaldið og er fólki því bent á að forðast þennan aukakostnað með því að nýta þær greiðsluleiðir sem eru í boði. Hægt er að greiða á <a href="https://autopay.io/" target="_blank">vef Autopay</a> allt að tveimur sólahringum eftir að bílastæðið er yfirgefið og komast þannig hjá óþarfa kostnaði. Þarna er hægt að slá inn bílnúmer til að sjá hvort eftir sé að greiða fyrir notkun á bílastæði. Fimm mínútur í rennunni Við minnum á gjaldtöku í svokallaðri rennu við brottfararinngang flugstöðvarinnar sem hófst í byrjun mars. Rennan er ætluð þeim sem þurfa að aka upp að flugstöðinni og stöðva bíl sinn þar í stutta stund til að hleypa út farþegum og losa farangur. Gjaldfrjálst er að stoppa þar í allt að fimm mínútur, en almenn nýting farþega á rennunni er undir þeim tímamörkum. Þurfi farþegar lengri tíma er bent á að hægt er að leggja gjaldfrjálst á P2 bílastæðunum komu megin í hálftíma. Erindi til Bílastæðaþjónustu KEF Ef farþegar hafa spurningar varðandi  Bílastæðaþjónustu KEF bendum við á að hægt er að senda <a href="https://www.kefairport.is/bilastaedi-hafa-samband" target="_blank">erindi til okkar hér</a>.

Mikilvægt að bóka bílastæði fyrir páskana

Point kef 1 web.jpg

Keflavíkurflugvöllur hefur opnað tvær nýjar verslanir, Point og Icelandic Deli sælkeraverslun, sem bjóða farþegum fjölbreytt úrval af matvælum, ferðavörum og íslenskum sælkeravörum.

Í <a href="https://www.kefairport.is/verslanir/icelandic-deli" target="_self">Icelandic Deli </a>er hægt að grípa með sér bragð af Íslandi í ferðalagið. Þar má finna úrval af handverksostum, reyktu og þurrkuðu kjöti, hágæða súkkulaði og íslenskum kryddum. Einnig er boðið upp á handvalið úrval af íslensku víni og áfengum drykkjum. Icelandic Deli er tilvalinn staður til að finna fallegar gjafir eða taka með sér bragð af Íslandi í ferðalagið.

Icelandic Deli sælkeraverslun – bragð af Íslandi

Point kef 3 web.jpg

<a href="https://www.kefairport.is/verslanir/point" target="_blank">Point</a> býður farþegum fjölbreytt úrval af ferðavörum, snarli, drykkjum, ferskum bakstri, pizzum og öðrum matvælum. Hvort sem farþegar vilja grípa með sér kaffi í flýti eða undirbúa sig fyrir komandi ferðalag, þá hefur Point það sem þarf. Um flugvöllinn má einnig finna nýja Point sjálfssala sem bjóða upp á allt það helsta úr verslunum Point.Þessar nýju verslanir auka úrvalið fyrir farþega á Keflavíkurflugvelli og stuðla að enn betri upplifun á ferðalaginu.

Point – fljótlegt og ferskt

Point kef 2 web.jpg

Point kef sjalfsalar vending machines 2.jpg

Point og Icelandic Deli opna á Keflavíkurflugvelli

Adalfundur isavia 2025 1.jpg

Ársskýrsla Isavia fyrir árið 2024 var gefin út í dag á aðalfundi félagsins og ársuppgjör félagsins fyrir sama tímabil samþykkt auk þess sem stjórn var kjörin. 

Fundurinn var haldinn á Courtyard Marriot hótelinu í Reykjanesbæ í dag og var <a href="https://www.youtube.com/watch?v=iUHC5UHWac0" target="_blank">einnig streymt á netinu.</a>Í ávarpi sínu fór Kristján Þór Júlíusson, fráfarandi stjórnarformaður Isavia, yfir merka áfanga í rekstri félagsins á síðasta ári. Hann sagði það sérstakt ánægjuefni að hafa fengið tækifæri til að fylgja byggingu nýrrar austurálmu flugstöðvarinnar á Keflavíkurflugvelli úr hlaði. Byggingin hafi verið tekin í notkun á dögunum og sé fyrsti vísir að því að gjörbylta möguleikum núverandi flugstöðvar til að þjóna tengiflugi á flugvellinum með mun skilvirkari hætti. Fráfarandi stjórn hafi sýnt uppbyggingaráformum flugvallarins mikinn stuðning þar sem það væri lykilatriði að vel tækist til við það verkefni að tryggja í sessi þann árangur í fjölda farþega sem þegar hefði náðst. Kristján Þór sagði einnig að afkomu móðurfélags Isavia á síðasta ári hefði verið góð og rekstraráætlun metnaðarfull. Þrátt fyrir það væri umfang nauðsynlegra framkvæmda af þeirri stærðargráðu að efnahagsreikningur félagsins muni ekki standa undir framkvæmdakostnaði til að ná núverandi markmiðjum Keflavíkurflugvallar, með áframhaldandi styrkingu flugtenginga að leiðarljósi.

Adalfundur isavia 2025 2.jpg

Kristján Þór Júlíusson

Óbreytt uppbyggingaráætlun félagsins er þannig það metnaðarfull í tíma og kostnaði að óhjákvæmilegt er, að henni óbreyttri, að styrkja félagið með auknu hlutafé.

Á fundinum fór Sveinbjörn Indriðason, forstjóri Isavia, yfir ársreikning félagsins. Árið 2024 var stærsta fjárfestingarár í sögu Isavia. Samstæðan fjárfesti fyrir um 18 milljarða króna.

<a href="https://www.kefairport.is/fyrirtaekid/skyrslur-og-uppgjor" target="_blank">Ársskýrsla Isavia er nú aðgengileg á vef félagsins</a>. Þar má finna ársreikning samstæðunnar, lykiltölur úr rekstrinum, yfirferð yfir stefnu og stjórnun Isavia og upplýsingar um sjálfbærnimál á flugvöllum og lífið innan flugvallarsamfélagsins.

Ársskýrsla Isavia 2024

Á aðalfundinum var kosin stjórn og varastjórn Isavia ohf. Í stjórn Isavia taka nú sæti þau Steinþór Pálsson, sem var kjörinn stjórnarformaður, Gréta María Grétarsdóttir, Hera Grímsdóttir, Marta Jónsdóttir og Ómar Svavarsson. Í varastjórn voru kjörin þau Bjarni Herrera og Sigrún Dóra Sævinsdóttir.

Stjórn Isavia 2025-2026 

Aðalfundur Isavia

KEF-MyndefniFyrirVef-SKJ-Oryggi-3-1920px-280225.jpg

KEF-MyndefniFyrirVef-SKJ-Flugvollurinn-3-1920px-280225.jpg

Rekstrarafkoma samstæðu Isavia fyrir afskriftir, fjármagnsliði og skatta (EBITDA) á árinu 2024 var jákvæð um 10,7 milljarð króna samanborið við jákvæða rekstrarafkomu upp á 8,1 milljarð króna árið 2023. 

Tekjur jukust um 15% eða 6,9 milljarða króna og námu 51,9 milljarði króna. Farþegar um Keflavíkurflugvöll voru rúmlega 8,3 milljónir á árinu samanborið við um 7,8 milljónir árið 2023.Heildarafkoma ársins var jákvæð um 5,2 milljarð króna samanborið við 2,1 milljarð króna árið 2023. Jákvæð gengisáhrif vegna langtímalána námu um 2,1 milljarði króna á árinu 2023 samanborið við 180 milljónir króna árið á undan.

Sveinbjörn Indriðason

Eldsumbrot í lok árs 2023 höfðu neikvæð áhrif á fjölda farþega sem fór um Keflavíkurflugvöll á síðasta ári sem gerði það að verkum að við náðum ekki tekjumarkmiðum okkar.

„Því til viðbótar fengum við hlutfallslega fleiri tengifarþega en við gerðum ráð fyrir sem hafði á sama tíma neikvæð áhrif á tekjur Keflavíkurflugvallar. Aftur á móti tökum við fagnandi á móti tengifarþegunum okkar þar sem þau styrkja tengistöðina á Keflavíkurflugvelli til framtíðar. Afkoma félagsins og arðsemi þess var engu að síður góð en til að standa undir þeirri uppbyggingu sem er fram undan er nauðsynlegt að leita áfram leiða til að auka enn frekar arðsemi af rekstri félagsins“.Liðið ár var stærsta fjárfestingaár frá stofnun félagsins en þær námu um 18,0 milljörðum króna og þar af féllu um 16,9 milljarðar til á Keflavíkurflugvelli. Á þessu ári og komandi árum er áfram gert ráð fyrir miklum fjárfestingaumsvifum tengt uppbyggingaráætlun Keflavíkurflugvallar. Það er gert ráð fyrir hóflegri fjölgun farþega árið 2025 eða um 0.8% en að sú fjölgun verði drifin áfram af komufarþegum til Ísland. Þá gera áætlanir félagsins ráð fyrir að um <a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna" target="_blank">metár verði að ræða í fjölda ferðafólks til Íslands</a>. Aðalfundur Isavia verður haldinn 26. mars næstkomandi og þá verður ársskýrsla félagsins fyrir árið 2024 gefin út.

<ul><li>Tekjur: 51.917 milljónir króna</li><li>Rekstrarhagnaður fyrir afskriftir, fjármagnsliði og skatta (EBITDA): 10.659 m.kr.</li><li>Rekstrarhagnaður fyrir fjármagnsliði og skatta (EBIT) : 6.106 milljónir króna</li><li>Heildarafkoma (tap) eftir skatta: 5.231 milljón króna</li><li>Handbært fé: 5.889 milljónir króna</li><li>Fjárfestingar í varanlegum rekstrarfjármunum: 17.958 milljónir króna</li><li>Eigið fé í lok tímabils: 49.293 milljónir króna</li><li>Eiginfjárhlutfall: 42,9%</li></ul>

Lykiltölur úr ársuppgjöri Isavia 2024

Ársuppgjör Isavia fyrir árið 2024

KEF Austuralma opnun 3.jpg

„Austurálman, sem við opnum formlega í dag, er ekki aðeins enn eitt skrefið í uppbyggingu flugvallarins, heldur áþreifanleg staðfesting á framtíðarsýn um að hann verði alþjóðleg tengistöð milli Evrópu og Norður-Ameríku,“ sagði Daði Már Kristófersson fjármála- og efnahagsráðherra þegar hann opnað nýja austurálmu Keflavíkurflugvallar með formlegum hætti. Hann sagði alþjóðleg tengsl og samgöngur vera undirstöðu hagvaxtar og velsældar á Íslandi því hefði landið mikla hagsmuni af greiðum og öflugum samgöngum til og frá landinu.Austurálman, ný viðbygging við flugstöð Keflavíkurflugvallar, stækkar flugstöðina um 30% og stórbætir aðstöðu á flugvellinum. Með henni getur Keflavíkurflugvöllur stutt betur við vöxt flugfélaga og annarra viðskiptavina samhliða því að bæta upplifun gesta.

Þróun og næstu skref - myndband

thumb.jpg

Austurálman er fyrsta stóra skrefið í þróunaráætlun Keflavíkurflugvallar sem miðar að því að efla flugvöllinn sem tengistöð og fjölga flugtengingum og styrkja þannig samkeppnishæfni Íslands.

Þróun sem styrkir samkeppnishæfni landsins

KEF Austuralma opnun 6.jpg

Uppbygging liðinna ára hefur að stórum hluta miðað að því að auka afkastagetu flugvallarins enda eftirspurn frá flugfélögunum okkar verið mikil á þá leið. Þetta hefur þýtt að fjölgun flugtenginga hefur aukist verulega sem skiptir miklu máli fyrir íslenskt samfélag

Sveinbjörn bætti við, „þessi verkefni eru mikilvæg – ekki eingöngu til að liðka fyrir áframhaldandi vexti heldur einnig til að tryggja í sessi þann árangur sem þegar hefur náðst í fjölda komufarþega, fjölda tengifarþega og þar með fjölda flugtenginga sem skilar sér með beinum hætti inn í hagvöxtinn.“Kristján Þór Júlíusson, stjórnarformaður Isavia, sagði í ræðu sinni að mikilvægt væri að halda áfram með þróun Keflavíkurflugvallar og nú væri unnið að forgangsröðun framkvæmda.

KEF Austuralma opnun 4.jpg

Þetta er breytt forgangsröðun sem styður með beinum hætti við þá áherslu um að árið 2028 verði búið að byggja upp getu til að styðja við áætlaðan framtíðarvöxt flugfélaga sem velja Keflavíkurflugvöll sem tengistöð.

Kristján Þór sagði að þrátt fyrir að rekstur Isavia gengi vel þá væri umfang þeirra framkvæmda sem nauðsynlegt væri að ráðast í á næstu árum af þeirri stærðargráðu að efnahagsreikningur félagsins myndi ekki standa undir þeim framkvæmdakostnaði sem þyrfti. „Það er óhjákvæmilegt að styrkja félagið með auknu hlutafé.“Sveinbjörn tók í sama streng og sagði: „Það er mikilvægt að eiga opið samtal við eiganda fyrirsvar félagsins, fjármála- og efnahagsráðuneytið, um hvaða svigrúm er til staðar þegar kemur að fjármögnun næstu verkefna að hluta til með auknu hlutafé eða aðkomu alþjóðlegs minnihlutafjárfestis. Ég hef áður talað fyrir því hversu verðmætt það yrði fyrir Keflavíkurflugvöll að fá að borðinu fjárfesta sem eru sérhæfðir í að leggja fé til þróunar alþjóðaflugvalla vegna þeirrar þekkingar sem slíku fjármagni fylgir. Slík ráðstöfun mun alltaf styrkja samkeppnisstöðu okkur gagnvart erlendum flugvöllum.“

Áframhaldandi þróun kallar á aukið hlutafé

Hér að neðan eru helstu upplýsingar um austurálmu og byggingu hennar. Nánari upplýsingar um þróun Keflavíkurflugvallar er að finna á vefsvæðinu <a href="https://www.kefplus.is/" target="_blank">www.kefplus.is</a>.<H3>ÁFANGAR OG ÁVINNINGUR</H3>2021: Fjármála- og efnahagsráðherra hóf framkvæmdir með skóflustungu 1. júní.2023: Nýr og rúmbetri komusalur með nýrri farangursmóttöku á jarðhæð og farangurskerfi í kjallara tekið í notkun í ágúst. Stórbætt aðstaða fyrir gesti til að taka á móti farangri og skilvirkari afhending farangurs. 2024: Nýtt svæði fyrir fríhafnarverslun á komusvæði tekið í notkun í mars. Nýtt veitingasvæði á brottfararsvæði með auknu úrvali veitingastaða tekið í notkun í nóvember.2025: Prófanir hófust í febrúar og formleg opnun 20. mars. Fjórir nýir landgangar beint út í vél og tvö ný hlið til að þjónusta fjarstæði sem bætir upplifun gesta flugvallarins. Nýtt flughlað ásamt landgöngum bætir aðstöðu til þjónustu flugvélar. Rúmgott biðsvæði fyrir brottför.<H3>ÁBYRG FRAMKVÆMD</H3><ul><li>Heildarkostnaður er áætlaður 29,6 ma.kr. sem er í samræmi við ramma sem settur var í upphafi þegar tekið hefur tillit til verðlagsþróunar.</li><li>Verkáætlun að mestu staðist þrátt fyrir áskoranir vegna heimsfaraldurs og truflanir á aðfangakeðjum vegna stríðs í Úkraínu.</li><li>Austurálma er byggð í samræmi við sjálfbærnistefnu Isavia og er BREEAM vottuð. Það hefur lágmarkað umhverfisáhrif auk þess sem það mun stuðla að lægri rekstrarkostnaði á líftíma byggingarinnar.</li></ul><H3>HELSTU STÆRÐIR</H3>25 þúsund m2 að flatarmáli sem þýðir um 30% stækkun flugstöðvarinnar, en til samburðar er tónlistarhúsið Harpa tæpir 30 þúsund m2 skv. Fasteignaskrá.31 m að hæð, en til samanburðar eru turnar Akureyrarkirkju 26 m.66 m að breidd, sem er álíka og breidd knattspyrnuvallar, og 124,5 m að lengd, sem er svipað og Bankastræti í Reykjavík.22.600 m2 flughlað með eldsneytisáfyllingu sem jafnast á við rúmlega þrjá fótboltavelli.

Um Austurálmu

Hér fyrir neðan má sjá myndir frá opnuninni.

Frá opnuninni

KEF Austuralma opnun 5.jpg

KEF Austuralma opnun 1.jpg

KEF Austuralma opnun 2.jpg

Austurálma KEF formlega opnuð

KEF Sogur-tactical_FB cover_851x315_1_1124.png

Alls hafa 946.892 gestir farið um Keflavíkurflugvöll fyrstu tvo mánuði ársins.

Farþegafjöldi í febrúar var 477.833, sem er 2,8% fækkun frá febrúar í fyrra en í takt við farþegaspá fyrir árið.Alls hafa 946.892 gestir farið um Keflavíkurflugvöll fyrstu tvo mánuði ársins.Í febrúar flugu 20 flugfélög til 65 áfangastaða. Vinsælustu áfangastaðirnir voru London, Kaupmannahöfn, Manchester, París og Amsterdam.Mest var að gera á flugvellinum 23. febrúar, þegar 22.395 farþegar lögðu leið sína um KEF.

KEF_Farthegatolur_IS_jan25.png

Samkvæmt <a href="https://www.ferdamalastofa.is/is/um-ferdamalastofu/frettir/121-thusund-brottfarir-erlendra-farthega-i-januar" target="_self">mælingum Ferðamálastofu</a> voru brottfarir Íslendinga í febrúar 42.091. Það gerir 12% fjölgun frá febrúar á síðasta ári.Brottfarir erlendra gesta frá landinu um KEF voru 146.936, sem gerir 5,6% fækkun frá febrúar í fyrra.Flestar brottfarir erlendra gesta voru tilkomnar vegna Breta (28% af heild), þar á eftir komu Bandaríkjamenn (19%), síðan Kínverjar (5%), Hollendingar (4%) og Frakkar (4%).

Febrúar á KEF: 478 þúsund farþegar á ferð

KEF Gjaldskylda-VEF-1080x1080_1-0225.png

KEF Gjaldskylda-VEF-1080x1080-0225.png

Nýjar reglur í Rennunni við flugstöðina (brottfarar megin)

Þann 4. mars næstkomandi verður gerð breyting á fyrirkomulagi í <a href="https://www.kefairport.is/gjaldskylda-i-brottfararrennu" target="_blank">svokallaðri „rennu“</a> við brottfararinngang flugstöðvarinnar á Keflavíkurflugvelli. Rennan er ætluð þeim sem þurfa að aka upp að flugstöðinni og stöðva í stutta stund til þess að hleypa út farþegum, losa farangur eða annan farm. Nokkuð hefur verið um að bílstjórar hafi lagt bílum í rennunni í lengri tíma, sem stíflar flæði umferðar og getur heft aðgengi farþega og viðbragðsaðila. Með breytingunni er ætlunin að tryggja öllum sem eru t.d. að skutla farþegum á flugvöllinn skjótt og öruggt aðgengi. Það verður gert með því að taka gjald af þeim sem dvelja lengur en 5 mínútur í henni. Til að koma til móts við farþega höfum við lengt gjaldfrjálsa tímann á P2 skammtíma bílastæðunum komu megin við flugstöðina úr 15 mínútum í 30.

Á milli 1.500 og 1.700 bílum er ekið í gegnum rennuna á dag og er umferðin mest á álagstíma á flugvellinum. Lítið má því út af bregða til að þar verði tafir og biðraðir myndist ef bílar eru stöðvaðir of lengi eða er jafnvel lagt í rennunni. Athugun á notkun rennunnar yfir rúmlega mánaðar tímabil sýnir að dvalartími um 8% bíla er á bilinu 16-20 mínútur. Það hefur heft flæði í gegnum hana og leitt til biðraða sem valda öðrum gestum flugvallarins óþægindum. Til að sporna gegn þessu og stuðla að bættu flæði um rennuna verður tekið upp gjald á þau ökutæki sem eru lengur en fimm mínútur. Langflestir ökumenn nýta rennuna eins og til er ætlast og stöðva þar einungis í örskamma stund. Miðgildi dvalartíma er um tvær og hálf mínúta og um 80% bíla eru 5 mínútur eða skemur í rennunni. Á grundvelli þessa var ákveðið að gefa 5 mínútur í rennunni og hefja gjaldtöku að því loknu til að tryggja gott flæði og aðgengi fyrir sem flesta gesti flugvallarins. Áfram verður frítt fyrir þau sem nýta rennuna eins og gert er ráð fyrir og ætlast er til. Gjaldtaka verður samkvæmt gjaldskrá sem er <a href="https://www.kefairport.is/bilastaedi-verdskra" target="_blank">aðgengileg hér. </a>

Frítt í 5 mínútur

Ökumenn sem þurfa að dvelja lengur en gert er ráð fyrir í rennunni geta nýtt sér skammtímastæði við flugstöðina, það er P1 sem er brottfarar megin og P2 sem er komu megin. Hingað til hefur ekki hefur verið tekið gjald fyrir að leggja á P1 og P2 fyrstu 15 mínúturnar. Til að mæta þörfum þeirra sem vilja eða þurfa að stöðva lengur en 5 mínútur, til dæmis þau sem eru að fylgja eða taka á móti vinum og vandamönnum, verður frítími á P2 lengdur í 30 mínútur.

Frítími lengdur á P2 bílastæðum 

Greiðari aðkoma að KEF

The design concept for the unique play area, inspired by the fairytale world of Tulipop.

Hönnunarhugmyndin fyrir hið einstaka leiksvæði, innblásið að ævintýraveröld Tulipop.


Tulipop kids play area at KEF airport iceland .jpg

Íslenska fyrirtækið Tulipop mun hanna nýtt leiksvæði fyrir börn á Keflavíkurflugvelli (KEF).

Verkefnið er samstarfsverkefni Tulipop, hönnunarteymisins ÞYKJÓ og IRMA hönnunarstúdíós, og hefur það að markmiði að leiða yngstu gesti flugvallarins inn í töfraheim Tulipop. Leikvöllurinn verður staðsettur í nýrri austurálmu og mun opna fyrir sumarið.

Flestir landsmenn þekkja ævintýraheim Tulipop en fyrirtækið var stofnað árið 2010 og er hugarfóstur hönnuðarins Signýjar Kolbeinsdóttur og Helgu Árnadóttur, framkvæmdastjóra fyrirtækisins. Ævintýri Tulipop byggja á litríkum og líflegum töfraheimi þar sem skemmtilegar fígúrur lifa og hrærast. Stærsta verkefni Tulipop til þessa er framleiðsla 52 þátta teiknimyndaþáttaraðarinnar „Ævintýri Tulipop“ sem er sýndur víða um heim.Markmið leiksvæðisins er að gera flugvöllinn að enn skemmtilegri stað fyrir yngstu gestina. Hönnun leikrýmisins miðar að því að örva ímyndunarafl og sköpunarkraft barna í frjálsum leik.Leiksvæðið verður sett upp í nýrri austurálmu flugvallarins, við endann á veitingasvæðinu Aðalstræti áður en gengið er inn í austurbygginguna.

Skemmtilegri staður fyrir yngstu gestina

„Við erum virkilega spennt fyrir því að fá að hanna leiksvæði fyrir börnin á Keflavíkurflugvelli. Síðustu 15 árin höfum við leitast eftir því að skapa töfrandi myndheim og sögur fyrir börn sem byggja á íslensku hugviti. Það er ótrúlega gaman að fá að færa þennan ævintýraheim inn á leiksvæði barnanna á KEF í samstarfi við ÞYKJÓ og IRMA sem eru gífurlega fær á sínum sviðum. Svo er auðvitað spennandi að kynna börn frá öllum heimshornum fyrir töfrum Tulipop,“ segir Helga Árnadóttir, framkvæmdastjóri Tulipop.Einnig verður sett upp nálægt leiksvæðinu svokallað iWall frá CSE Entertainment frá Finnlandi, sem eru gagnvirk leiktæki fyrir mestu fjörkálfana. Leiktækið býður gestum upp á þann möguleika að stíga beint inn í ævintýrið og verða hluti af leiknum, en um er að ræða frábæra leið til að hreyfa sig og láta tímann fljúga.

Einstök upplifun byggð á íslensku hugviti

Jón Cleon 

Við viljum að KEF sé staður þar sem ferðalagið byrjar á skemmtilegri upplifun fyrir alla – líka börnin. Með Tulipop-leiksvæðinu höldum við áfram að bæta við sérkennum Íslands á vellinum og færum yngstu gestum okkar kunnuglegan töfraheim sem kveikir ævintýraandann og leikgleðina

<a href="https://tulipopheimurinn.tulipop.is/" target="_blank">Tulipop</a> er, sem áður segir, hugarfóstur Signýjar Kolbeinsdóttur, hönnuðar Tulipop, og Helgu Árnadóttur, framkvæmdastjóra fyrirtækisins, sem stofnuðu saman Tulipop árið 2010.<a href="https://www.thykjo.com/" target="_blank">ÞYKJÓ</a> er þverfaglegt hönnunarteymi og miðar þeirra hönnunarstarf að því að örva ímyndunarafl og sköpunarkraft barna í frjálsum leik.<a href="https://irmastudio.is/" target="_blank">IRMA</a> er hönnunarstúdíó sem rekur sitt eigið framleiðsluverkstæði og sérhæfir sig meðal annars í leikmyndagerð, leikmyndasmíði og hönnun.Meðfylgjandi mynd frá ÞYKJÓ

Um Tulipop, IRMA og ÞYKJÓ

KEF færir börnum töfraheim Tulipop

Sas flug mynd 2.jpg

Flogið milli KEF og Stokkhólms tvisvar í viku.

Norræna flugfélagið SAS hefur bætt flugi milli Keflavíkurflugvallar og Stokkhólms við áætlun sína á komandi sumri. Flogið verður tvisvar í viku milli KEF og Arlanda-flugvallar, aðfaranótt mánudags og föstudags. Fyrsta flug verður 22. júní og það síðasta samkvæmt áætlun þann 11. ágúst. Þessi nýi áfangastaður er viðbót við áætlunarflug félagsins milli KEF annars vegar og Kaupmannahafnar og Óslóar hins vegar.Fram kemur í tilkynningu frá SAS að þessi viðbót sé svar við aukinni eftirspurn eftir ferðum til Íslands. Flogið verður milli áfangastaðanna að nóttu.

Henrik Winell

Það er okkur ánægjuefni að ferðalangar okkar geti notið lengri birtustunda að fullu, sem gerir þeim kleift að upplifa allt sem Ísland hefur upp á að bjóða hvort sem það er í fríi eða viðskiptaferðum

„Það er afskaplega ánægjulegt að heyra af aukinni eftirspurn eftir Íslandsferðum,“ segir Grétar Már Garðarsson, forstöðumaður flugfélaga og leiðaþróunar á KEF. „SAS er mikilvægur samstarfsaðili okkar og við fögnum þeirri ákvörðun félagsins að bæta ferðum milli KEF og Stokkhólms við leiðakerfi sitt.“

SAS bætir við áfangastað í sumar

Í nýliðnum janúarmánuði fóru 469.059 gestir um flugvöllinn.

Nýtt ár byrjaði af krafti og gefur fyrirheit um skemmtilegt og annasamt ár á flugvellinum. <a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna" target="_self">Farþegaspá Keflavíkurflugvallar (KEF)</a> gerir ráð fyrir að alls fari 8,4 milljónir gesta um völlinn á árinu.Í janúar fóru 469.059 gestir um flugvöllinn sem er 4% fjölgun frá janúar í fyrra.Alls flugu 17 flugfélög til 65 áfangastaða. Vinsælustu áfangastaðirnir voru London, Kaupmannahöfn, New York, Manchester og París.Mest var að gera á flugvellinum í nýliðnum janúarmánuði 3. janúar þegar 23.110 gestir lögðu leið sína um KEF.

Samkvæmt <a href="https://www.ferdamalastofa.is/is/um-ferdamalastofu/frettir/121-thusund-brottfarir-erlendra-farthega-i-januar" target="_self">mælingum Ferðamálastofu</a> voru brottfarir Íslendinga í janúarmánuði 48.000. Það gerir 22% fjölgun frá janúar á síðasta ári.Brottfarir erlendra gesta frá landinu um KEF voru tæplega 121.000, sem gerir 6% fækkun frá janúar í fyrra.Flestar brottfarir erlendra gesta voru tilkomnar vegna Bandaríkjamanna (27% af heild), þar á eftir komu Bretar (17% af heild), síðan Kínverjar (8%), Þjóðverjar (6%) og þar á eftir fylgdu Frakkar (5%).

Um 470 þúsund gestir í janúar

Z6H13JbqstJ9-NAF_IMG_0164.webp

ORAT-prófun á flughlaðinu við austurálmu flugstöðvarinnar fór fram. Markmiðið var að ganga úr skugga um að allir ferlar og búnaður væru tilbúin fyrir opnun austurálmu fyrir farþega.

Í gær, þriðjudaginn 4. febrúar, fór fram svokölluð ORAT-prófun á flughlaðinu við austurálmu flugstöðvarinnar. Markmiðið var að ganga úr skugga um að allir ferlar og búnaður væru tilbúin fyrir opnun austurálmu fyrir farþega.Ný austurálma verður tekin í notkun að fullu á næstu vikum. Austurálman felur í sér nærri 30% stækkun flugstöðvarinnar og er hún lykilþáttur í framtíðarþróun flugvallarins. Með henni bætast við fjórir nýir landgangar og tvö rútuhlið sem bæta afgreiðslu flugvéla og auka upplifun farþega.

Z6H14ZbqstJ9-NAL_Image-3-.webp

Z6H14JbqstJ9-NAK_Image-4-.webp

Við ORAT-prófun á flughlaðinu var byrjað á því að hreinsa snjó af flughlaðinu og að því loknu keyrðu tvær flugvélar á stæði 80L og 80R við austurálmu.Leiðbeiningarbúnaður og tenging við landgöngubrýr voru prófuð, sem og festingar á jörðu niðri. Þá voru verkferlar við eldsneytisgjöf, fermingu og affermingu farangurs prófaðir sem og notkun stiga og farþegabifreiða á svæðinu. Að lokum fóru vélarnar báðar í gegnum afísingarferli.Prófunin gekk vel og er það góðs viti fyrir opnun þessa áfanga austurálmunnar.

Z6H13ZbqstJ9-NAG_IMG_0169.webp

Z6H125bqstJ9-NAE_IMG_0172.webp

Austurálman felur í sér nærri 30% stækkun flugstöðvarinnar. Stækkun Keflavíkurflugvallar er ákvörðuð eftir langtímaspám um farþegafjölda og þarfir samfélagsins.Framkvæmdir við Austurálmu hófust í sumarbyrjun 2021 og verður hún tekin í notkun í tveimur áföngum. Um mitt ár 2023 var nýtt farangursflokkunarkerfi í kjallara tekið í notkun sem og nýr komusalur með farangursmóttöku fyrir farþega. Nýtt veitingasvæði og stærri komuverslun Fríhafnarinnar opnuðu árið 2024. Í ár verða nýir landgangar og tvö rútuhlið tekin í notkun.Fullkláruð verður austurálman stærri en upphaflega flugstöðvarbyggingin sem vígð var árið 1987. Til að átta sig á raunverulegum stærðum má hafa það bak við eyrað að Austurálman er 124,5 metra löng eða álíka og Bankastræti í Reykjavík, 66 metra breið, sem er svipað og knattspyrnuvöllur, og 31 metra há en til samanburðar er Akureyrarkirkja 26 metrar á hæð.

Ný austurálma

434162092_802978195192276_3989183408140005080_n.jpg

ORAT stendur fyrir Operational Readiness and Airport Transfer. ORAT-ferlið er áhrifaríkt ferli til að styðja við farsæla innleiðingu á nýjum mannvirkjum og innviðum flugvallarins. Með skipulagningu á prófunum fyrir opnun nýrra innviða tryggjum við að mannvirkið sjálft sé tilbúið og að fólk, ferlar, kerfi og mannvirkið virki saman.

Um ORAT prófanir

Flughlaðið við austurálmu prófað

tjonustuver nytt kef 3.jpg

Búið er að opna nýtt þjónustuver í brottfararsal flugstöðvarinnar á Keflavíkurflugvelli þar sem áður voru söluskrifstofur Icelandair. Framkvæmdir við nýju aðstöðuna hafa staðið yfir síðan síðastliðið haust. 

Farþegaþjónustan á Keflavíkurflugvelli er með aðstöðu í nýja þjónustuverinu og sinnir þar upplýsingagjöf til farþega. Þar verður einnig tekið á móti farþegum sem þurfa sérstaka aðstoð, þ.e. <a href="https://www.kefairport.is/thjonusta/adstod">PRM (Persons with Reduced Mobility) þjónustu</a>, til að komast um flugstöðina, um borð í flugvél eða frá borði.Þjónustuverið verður opið frá kl. 3 eftir miðnætti og til kl. 23 alla daga vikunnar. Utan opnunartíma er farþegum beint að kallstaur sem er staðsettur við inngang móttökunnar þar sem hægt er að kalla eftir PRM þjónustu.

Jófríður Leifsdóttir

Móttaka og biðsvæði fyrir farþega sem bókað höfðu PRM þjónustu var áður við lyftuna í innritunarsal flugstöðvarinnar. Nýja aðstaðan er stórt skref í því að bæta þjónustu við PRM farþega sem ferðast um Keflavíkurflugvöll.

„Hlutfall PRM farþega sem af heildarfjölda farþega um KEF eykst með hverju ári,“ segir Anna Björk Bjarnadóttir, framkvæmdastjóri þjónustu og rekstrar á Keflavíkurflugvelli. „Það er mikilvægt að þjónustan við þann farþegahóp og aðstaðan þróist og taki breytingum í samræmi við það.“Samhliða opnun þjónustuversins hefur upplýsingaborði í komusal flugstöðvarinnar verið lokað. Sú þjónusta færist einnig inn í þjónustuverið þar sem upplýsingaborð verður staðsett og verða leiðbeinandi merkingar í komusal uppfærðar til að vísa farþegum á nýju staðsetninguna.

Nýtt þjónustuver í brottfararsal

dutyfree.png

Ljóst er að loknu vönduðu útboðsferli er kominn á bindandi samningur við Heinemann um sérleyfi til reksturs fríhafnarverslana á Keflavíkurflugvelli (KEF).

Heinemann tekur við rekstri fríhafnarverslana á Keflavíkurflugvelli (KEF). Samningur Heinemann við KEF er til átta ára, með möguleika á framlengingu um tvö ár til viðbótar. Er samningurinn gerður í framhaldi af niðurstöðu stigagjafar í útboðsferli þar sem tilboð Heinemann varð hlutskarpast, eins og sagt var frá síðastliðinn nóvember.Í útboðsferlinu var lögð áhersla á að farþegar á Keflavíkurflugvelli upplifi það sterklega hjá nýjum sérleyfishafa að þeir séu staddir á Íslandi þegar þeir fara um fríhafnarverslanirnar. Það er m.a. gert með miklu úrvali af íslenskum vörum og hönnun verslananna. Endurnýjun verslananna mun fara fram á næstu átján mánuðum og er stefnt á að framkvæmdum ljúki fyrir sumarið 2026. Farþegar munu þó sjá strax við yfirfærsluna ákveðinn blæbrigðamun.

Jens Wolf

Við hlökkum mikið til að bjóða farþegum til og frá Íslandi upp á frábært úrval vara og spennandi og fallegar verslanir. Sterk tenging við Ísland og íslenskar vörur er lykilatriði og mikilvæg fyrir upplifun viðskiptavina á verslununum nú og til framtíðar.

„Þetta verður styrkt með frábæru úrvali alþjóðlegra og þekktra vörumerkja í öllum vöruflokkum. Við leitumst ávallt við að mæta þörfum allra farþega, bæði þeirra sem eru að leita að góðum tilboðum og þeirra sem eru að leita að einhverju sérstöku. Við leggjum áherslu á að vinna náið með öllum hagaðilum til að hrinda áætlunum okkar í framkvæmd,“ segir Jens enn fremur og bætir við að það sé mikið ánægjuefni að félagið hafi fengið sérleyfi til rekstrar fríhafnarverslana á KEF.

Guðmundur Daði Rúnarsson

Ég hlakka mikið til samstarfsins. Hér er um öflugt fyrirtæki að ræða með mikla og góða reynslu í rekstri fríhafnarverslana um allan heim. Við erum þess fullviss að Heinemann eigi eftir að taka á móti ferðafólki með hlýhug, fjölbreyttu úrvali af vörum og kröftugri þjónustu.

Guðmundur Daði bætir við að þegar ráðist hafi verið í útboð á sérleyfinu og aðstöðunni hafi tilgangurinn verið að fá til samstarfs fyrirtæki með reynslu í rekstri fríhafnarverslana. „Þetta var allt gert til að tryggja ávinning umfram núverandi fyrirkomulag. Þessi breyting mun skila ávinningi fyrir farþega, flugvöllinn og samfélagið í heild. Við erum að auka tekjur flugvallarins verulega. Þannig getum við þróað Keflavíkurflugvöll enn frekar og fjölgað tækifærum til að bæta við flugtengingum. Alþjóðasamtök flugvalla í Evrópu (ACI Europe) hafa bent á að tíu prósenta aukning í beinum flugtengingum auki hagvöxt um hálft prósent í viðkomandi landi. Það er ávinningur fyrir fólkið í landinu.“

Heinemann tekur við Fríhöfninni

Screenshot 2025-01-16 101523.png

Árið 2024 var annað stærsta ár KEF frá upphafi en alls tók samfélagið á flugvellinum á móti 8,3 milljónum gesta, sem er 7,1% aukning frá árinu á undan.

Árið 2024 var annað stærsta ár KEF frá upphafi en alls tók samfélagið á flugvellinum á móti 8,3 milljónum gesta, sem er 7,1% aukning frá árinu á undan. Alls flugu 28 flugfélög frá Keflavíkurflugvelli til 98 áfangastaða og voru Lundúnir vinsælasti áfangastaður ársins. Vinsælasti flugvöllurinn var hins vegar Kastrup í Kaupmannahöfn.

shutterstock_2176160005.jpg

Tíð eldgos við Sundhnúksgíga höfðu áhrif á eftirspurn eftir ferðum erlendra ferðamanna til landsins. Farþegaspá Keflavíkurflugvallar gerði ráð fyrir 2,4 milljónum erlendra ferðamanna en þeir reyndust vera 2,3 milljónir árið 2024. Erlendum farþegum fjölgaði engu að síður um 2,1% frá árinu 2023. Alls fóru 600 þúsund Íslendingar erlendis á síðasta ári sem er 0,1% aukning á milli ára.

Náttúruhamfarir höfðu áhrif

467715504_964639615692799_3896388347758454082_n.jpg

Tengifarþegar, þ.e. farþegar sem nýta KEF sem tengistöð án þess að dvelja á Íslandi, voru alls 2,58 milljónir talsins, eða 31,1% af heildarfjölda gesta flugvallarins í fyrra. Hlutfallið var 21,2% árið 2023 og sýnir þessi aukning tengifarþega sterka stöðu Keflavíkurflugvallar sem tengistöðvar.

Mikil aukning í tengifarþegum

Í heildina flugu 28 flugfélög til 98 áfangastaða árið 2024. Lundúnir og Kaupmannahöfn voru langvinsælustu áfangastaðir síðasta árs, líkt og árin á undan.London hefur þá sérstöðu að alls er flogið til fjögurra flugvalla við borgina frá KEF, Heathrow, Gatwick, Stansted og Luton. Sjö flugfélög flugu milli London og KEF; British Airwaves, easyJet, Icelandair, Jet2.com, Play, TUI og Wizz.Sá flugvöllur sem var oftast flogið til og frá KEF var Kastrup-flugvöllur í Kaupmannahöfn. Alls fljúga þrjú flugfélög þar á milli allan ársins hring sem eru Icelandair, Play og SAS.

Vinsælustu áfangastaðirnir árið 2024

KEF airport (40).jpg

Mest var að gera á vellinum árið 2024 þann 4. ágúst en þá tók KEF á móti 36.923 gestum. Þar af voru 12.766 tengifarþegar eða 34,6% af heild. Farþegaflug þann daginn voru 224 talsins.

Flest flug í ág­úst

Samkvæmt talningu <a href="https://www.ferdamalastofa.is/is/um-ferdamalastofu/frettir/um-226-milljonir-erlendra-farthega-2024" target="_self">Ferðamálastofu </a>fóru 2,26 milljónir erlendra ferðamanna um Keflavíkurflugvöll, sem er 2,2% aukning frá árinu á undan. Ferðamálastofa telur brottfarir erlendra ferðamanna og voru þær flestar í ágústmánuði eða 281.450.Bandaríkjamenn voru fjölmennastir erlendra gesta, en brottfarir þeirra voru alls 620 þúsund, eða 27,4% allra brottfara. Fækkaði þeim um 27 þúsund frá árinu á undan. Næst þar á eftir komu brottfarir breskra farþega, sem voru 266 þúsund, eða 11,8% af heild. Fækkaði breskum ferðamönnum um 18 þúsund á milli ára.

Flestir gestir frá Bandaríkjunum og Bretlandi

KEF_Farthegatolur__fb_1200x628_IS_2024.png

Brottfarir Íslendinga voru 605.579 árið 2024 eða svipaður fjöldi og árið 2023 þegar brottfarirnar voru um 603 þúsund. Flestar brottfarir voru farnar í júní en þá fóru um 65 þúsund Íslendingar utan. Um er að ræða fjórða stærsta ferðaár Íslendinga þegar kemur að utanlandsferðum en brottfarir þeirra mældust um 619 þúsund árið 2017, 668 þúsund 2018 og 611 þúsund árið 2019.

Brottfarir Íslendinga

e9d68e8c-cea8-4c01-b2fd-ca79e46ab4a1keflavikurflugvollur.jpg

<a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna">Farþegaspá KEF 2025</a> gerir ráð fyrir að gestum flugvallarins muni fjölga á milli ára og verði tæplega 8,4 milljónir. Spáin gerir ráð fyrir að tæplega 2,3 milljónir erlendra ferðamanna komi til landsins um flugvöllinn. Gangi spáin eftir verður árið 2025 það annað stærsta í sögu Keflavíkurflugvallar og það stærsta í komu erlendra ferðamanna til Íslands.

Spá um farþegafjölda í ár

Farþegum fjölgaði árið 2024 í KEF

sofnb.png

Opnað hefur verið fyrir umsóknir almannaheillasamtaka til að vera með söfnunarbauk í flugstöðinni á Keflavíkurflugvelli. Umsóknarfrestur er til og með 15. febrúar 2025.

Keflavíkurflugvöllur vill láta gott af sér leiða og hafa verið settir upp sex söfnunarbaukar fyrir almannaheillasamtök í flugstöðinni. Búið er að opna fyrir umsóknir um söfnunarbauk í flugstöðinni og er umsóknarfrestur til og með 15. febrúar 2025.Lögð er áhersla á jafnt aðgengi almannaheillasamtaka að flugstöðinni til fjáröflunar fyrir góð málefni. Dregið verður úr hópi umsækjenda handahófskennt þann 20. febrúar 2025. Þau félög sem eru dregin út fá úthlutað söfnunarbauk fyrir tímabilið 1. mars 2025 – 28. febrúar 2026 eða til eins árs.Keflavíkurflugvöllur útvegar félögunum söfnunarbauk og úthlutar staðsetningu í flugstöðinni. Söfnunarbaukarnir eru staðsettir á fjölförnum stöðum í flugstöðinni svo að félögin geti notið góðs af fjárframlögum gesta sem fara þar um.Til að gæta jafnræðis meðal samtaka geta þau félög sem fá úthlutað söfnunarbauk ekki sótt um í næstu úthlutun þar á eftir svo að önnur félög komist einnig að. Úthlutað er á hverju ári söfnunarbaukum til mismunandi almannaheillasamtaka.Keflavíkurflugvöllur er í stöðugri þróun sem miðar að því að bæta aðstöðu á flugvellinum og veita gestum enn betri upplifun. Mikill fjöldi gesta leggur leið sína um flugvöllinn en að meðaltali fara um 21 þúsund gestir daglega um völlinn.Sótt er um söfnunarbauk á <a href="https://www.kefairport.is/fyrirtaekid/upplysingatorg/styrkir">heimasíðu Keflavíkurflugvallar</a> fyrir úthlutun árið 2025-2026.

Opið fyrir umsóknir um söfnunarbauk á Keflavíkurflugvelli

image (1).jpg

Tæplega 8,4 milljónir farþega munu ferðast um Keflavíkurflugvöll (KEF) árið 2025 samkvæmt farþegaspá flugvallarins fyrir árið. Gert ráð fyrir 0,8% fjölgun farþega á milli ára. Spáin gerir ráð fyrir 3% fjölgun erlendra ferðamanna milli ára, þeir verði rúmlega 2,32 milljónir.

Tæplega 8,4 milljónir farþega munu ferðast um Keflavíkurflugvöll (KEF) árið 2025 samkvæmt farþegaspá flugvallarins fyrir árið. Árið 2024 fóru tæplega 8,3 milljónir um flugvöllinn og er því gert ráð fyrir 0,8% fjölgun farþega á milli ára. Spáin gerir ráð fyrir 3% fjölgun erlendra ferðamanna milli ára, þeir verði rúmlega 2,32 milljónir eða um 9 þúsund fleiri en þeir voru metárið 2018.

Fréttir

Sýning til heiðurs Vigdísi Finnbogadóttur á Keflavíkurflugvelli

LOT hefur heilsársflug milli Íslands og Varsjár

Bílastæði fullbókuð á yfir páskana

Play flýgur til tveggja nýrra áfangastaðaPlay flýgur til tveggja nýrra áfangastaða

Ekkert fannst

Play flýgur til tveggja nýrra áfangastaðaPlay flýg­ur til tveggja nýrra áfanga­staða

Ekkert fannst

Play flýgur til tveggja nýrra áfangastaðaPlay flýgur til tveggja nýrra áfangastaða